Prins van deGeitebuk 2012:
Prins Sven I
Efkes kort vuuerstèlle:
Ich bèn Sven Bongartz, 24 jaor jònk, zoon van Mat en Marian en breurke van Sabine en Sander.
Ich bèn wirkzaam bie Sabon-projects, ’t bedrief van miën broor, dae same met Fredje Verdonschot miën adjudante koppel vormtj. Leuke biekomstigheid hiej in is, det met de vastelaovendj den auch de rolle zeen omgedrejd en Sander nao mich moog loestere.
In de vrieje tied ben ich lid van sjötterie Sint Ansfried, woea ich op de tròm batter en in ’t A-zestal sjeet. Verder voetbal ich biej F.C. Maasgouw 4, ein team met eine Kuueninklikke status, gezeen hieël get Thoearder en Wèssemer aod (jeugd) prinse hiej hör balkunste vertoeaone.
Auch ben ich nog lid van zaalvoetbalvereniging de Heiputters oet Bieëgdje, woeao ich kiep in ‘t 3-dje en es of det nog neet genògt is, doon ich auch nog gaer ein piëlke goeaje. Dit gebuuerdj den weer biej Dartclub de Bolle in Wieërtj.
Gae zultj nao ’t laeze van ’t stökske hiej boeave waal begreepe, det ich vriegezel bèn, want angers kom ich tiëd tekort vuuer al die hobbies.
Noe ich mich kort vuuergesteldj höb wil ich uch, Geitebuk en Geitebukskes den auch laote weite det ich met miën adjudante Fred en Sander t’r eine onvergaetelikke vastelaovendj van zal make en ‘t angers altied witte Geitebòkkeriëk vuuer 3 daag roead, gael en greun zulle doon kleure ònger miën motto:
“Ich hang miën sjöttepekske aan de kantj en zwej de septer in ’t Geitebòkkelandj”
Alaaf!
