Jeugdprins vanne Geitebuk 2012:
Jeugdprins Andy I
Hallo allemaol, moog ich mich efkes vuuerstèlle?
Mieëne naam is Andy Verkooijen en ich bèn vuuer ’t kòmendje jaor de noewe jeugdprins van v.v. de Geitebukskes.
Ich woean al miën hieële laeve (toch al gauw ein 13 jaor) met miën mam en pap op ’t Inj in Thoear.
Ein van miën hobbies is ’t nao sjoeal fietse. Gelökkig zit ich in Haor op Sint Ursula, dus det zeen eedere daag de nuuedige kilomaeterkes.
Verder spuuel ich gaer spelkes en bèn den auch zieër verieërdj det ich dit jaor es jeugdprins ’t groeate Vastelaovesspel moog spuuele.
Hiejbiej krieg ich hulp van miën adjudantes Denise (Wilms), Kim (Lalieu) en kössemeister Jordi (Peters). Wae maken t’r same met alle Geitebukskes eine sjoeane vastelaovendj van, ònger miën motto: “Met prins Andy de ieërste, 3 daag fieëste!”
