Jeugdprins geitebuk 2017 Tygo I

Prins Tygo I

Effe vuuerstèlle:

Ich bèn Tygo Kerckhoffs, mer mèt dees daag moogdj gae mich aanspraeke mèt Jeugdprins Tygo I. Ich bèn 10 jaor aod en geboeare in Zitterd.

Mien Aojers zeen Roel en Loes Kerckhoffs en ich bèn de groeate broor van Levi en Jens.

Same mèt oze hondj Luna woeane wae oppe Fabrystraot.

In miene vrieje tied laes en sjilder ich gaer, vinj ich ’t erg leuk óm same mèt mam lekker dinger te bakke, same mèt pap nao meziek te loestere en neet te vergaete spelkes te spuuele op miene Ipad.

’t Leefst aet ich spruutjes en lasagne, mer bèn geine leefhöbber van sjóklaat.

Det ich mich noe Jeugdprins vanne Geitebukskes moog numme vinj ich ein groeate ieër, dit is eine droum dae werkelikheid weurdj.

Ich gaon der same mèt mien Adjudante Jur en Tim, Kössemeisteres Luna, Prins Ruud II

en zien gevolg en natuurlijk neet te vergaete gae leef Geitebukskes en Geitebuk eine spetterendje vastelaovendj van make.

Verder wil ich uch allemaol eine sjoeane vastelaovendj winse en sloet ich aaf mèt miene spreuk:

 

GAEF GAAS, REMME LOS DE VASTELAOVENDJ IS VAN ÓS !”

De vastelaovendj is van ós!

Tekst: Thijs Claessen muziek: Wolfgang Petry (wir sind das ruhrgebiet)
Zang: Jeugdprins Tygo I & gevolg 

Couplet 1:

Zitte wae saoves vuuer dae sjtómme kas,

of Pokemons vange, bie ´t Stift op terras.
Totaal niks te doon hie, bie ós hie in Thoear,
mer mèt vastelaovendj zeen wae ein groeat koear.
Wae gaon inne optocht en zinge keihel,
´t Is tied vuuer ein fieësje, noe gaef hum ein lel.
Wae gaeve flink gaas en de remme gaon los,
det is vastelaovendj en dae is van ós.

Refrein:

 

Gaef gaas en remme los….

de vastelaovendj is van ós..

Hie is ein party loos….
geine dae zitj……

Gaef gaas en remme los….

de vastelaovendj is van ós..

De glazer gaon weer róndj……

doot mèt ós mèt…….

De vastelaovendj is van ós!

Couplet 2:

Jeugdprins en gevolg die loupe achterein,
alle minse sloete aan inne polonaistrein.
Nel mèt de rollator en mie van hóngerd-drie,
kieke same op- i-phone en make sel-fies.

Alles stuit te springe ich zèk, dit is gaaf,

bie de Geitebukskes geit ’t, daak der gans aaf.

Wae gaeve flink gaas en de remme gaon los,
det is vastelaovendj en dae is van ós……


Refrein:

Gaef gaas en remme los….

de vastelaovendj is van ós..

Hie is ein party loos….
geine dae zitj……

Gaef gaas en remme los….

de vastelaovendj is van ós..

De glazer gaon weer róndj……

doot mèt ós mèt…….

De vastelaovendj is van ós!

Bridge: 

Blief noe neet zitte,
kóm ins van die kruk.

Wae gaon nog neet pitte,
want wae zeen Geitebuk.
En pak dich good vast,

aan dae dae naeve dich springtj.
want hie geit ’t daak dr’aaf, es gae mèt mich zingtj…..

Refrein:

Gaef gaas en remme los….

de vastelaovendj is van ós..

Hie is ein party loos….
geine dae zitj……

Gaef gaas en remme los….

de vastelaovendj is van ós..

De glazer gaon weer róndj……

doot mèt ós mèt…….

Refrein:

Gaef gaas en remme los….

de vastelaovendj is van ós..

Hie is ein party loos….
geine dae zitj……

Gaef gaas en remme los….

de vastelaovendj is van ós..

De glazer gaon weer róndj……

doot mèt ós mèt…….

De vastelaovendj is van ós!